ગુજરાત ડ્રાય રાજ્ય કેમ છે?
ડ્રાય રાજ્ય - એટલે કે ગુજરાતમાં દારૂ બનાવવા, વેંચવા કે વાપરવાની મનાઈ છે.
શું એ ખરેખર ડ્રાય છે?
આપણે બધા જાણીએ છીએ કે આ દૂર-દૂર સુધી ક્યાંય શક્ય નથી.
🥤 ગુજરાતમાં સૌથી વધારે દારૂ પીવાય છે અને એ મોટા ભાગના ગુજરાતીઓ જાણે છે - છતાં કઈ નથી કરતા.
🥤 છાશવારે છાપામાં ખબરો આવે છે, અહીં દારૂની ભઠ્ઠી પકડાઈ કે ત્યાં લઠ્ઠાકાંડમાં લોકો મર્યા.
🥤 અહીં દારૂ ભરેલી ટ્રક પકડાઈ કે પોલીસે આટલા લાખનો દારૂ પકડ્યો.
🥤 કે અહીં અશુદ્ધ દારૂથી ૩૦-૫૦ લોકોને દવાખાને દાખલ કર્યા.
આવા સમાચારો દર બીજા વીકે જોવા મળે છે, આ તો થઇ જે છાપે ચડે એની વાત - એવા તો કેટલાય નાના હાદશાઓ થતા રહે છે જે બહાર નથી આવવા દેતા.
આ બધું વિચારતાંતો લાગે છે કે ગુજરાત ડ્રાય નથી, ડાય (કરે) છે, મરી રહ્યું છે - અંદર અને અંદર.
૧૯૬૦ થી આજ સુધી, દારૂબંધીએ ઘણા લોકોને વ્યસનથી બચાવ્યા, એ સમય જુદો હતો.
તે સમયે લોકો કાયદાનું પાલન કરતા હતા અને એટલા ચાલાક ન હતા કે જે નવી-નવી તરકીબો વાપરી કાયદાનું ઉલ્લંઘન કરે.
દાબેલી સ્પ્રિંગ વધારે છટકે - એ અહીં પણ સાચું હોય તેવું લાગે છે.
દારૂબંધી છે એટલે જ વધારે પીવે છે. કોઈ રોફ જમાવવા, તો કોઈ સતા બતાવવા તો કોઈ વળી સ્ટેટ્સ માટે.
શું લાગે છે?
આ બધો દારૂ વહેંચાય છે એ હમેંશા નેતાઓ કે અધિકારીઓની જાણ બહાર થાય છે?
નહીં!
એ પકડાયેલા ટ્રકમાંથી એક-એક બોક્સ ઘણી જગ્યાએ ઉતારતા આવ્યા હોય, મોઢું અને આંખ બંધ રાખવા માટે તો કોઈ પ્રમાણિકતાને મારવા માટે.
દારૂબંધીથી નુકસાન વધારે થાય છે ફાયદા કરતા
⌛છુપી રીતે દારૂ મળતો હોવાથી, કોઈ વયમર્યાદા નથી પળાતી - નવયુવાનોને બેરોકટોક મળે છે અને પીવે પણ છે.
⌛બરોબર આવતો અને વહેચાતો હોવાથી સરકારને ટેક્સ નથી મળતો
⌛ગુનાખોરીથી મળતો હોવાથી ભાવ પણ બહુ વધારે હોય છે
⌛છુપી રીતે બનતો હોવાથી, ગુણવત્તાની ચકાસણી નથી થતી
⌛નાના અડ્ડાઓ પ્રમાણિત ના હોવાથી, અધૂરા જ્ઞાન સાથે - ભળતા પદાર્થો વાપરે છે
⌛આલ્કોહોલ ધરાવતા ભળતા પ્રવાહીઓનો ઉપયોગ ઘાતક થઇ શકે
⌛દારૂને કાયદેસર કરી શકાય
⌛ડબલ ટેક્સ ઉમેરીને વહેચવાની છૂટ કરી શકાય, દારૂના વિતરણ અને વહેંચાણમાં બહુ વધારે ટેક્સ ઉમેરી શકાય
⌛નાના ઉત્પાદન એકમોને કાયદાનું પાલન કરીને ગુણવતા વાળો દારૂ જ બનાવવા અને વેચવાની છૂટ આપી શકાય
⌛દારૂ વય મર્યાદાને વધારે સખત રીતે પાલન કરી શકાય
શક્યતા છે?
દારૂબંધી હટાવીને ગુજરાતને બચાવવાની?
ટિપ્પણીઓ નથી:
ટિપ્પણી પોસ્ટ કરો